Breaking News

03 September 2019

Padahan Orang Tuha Bahari


Assalaamu'alaikum dangsanak barataan,,
mudahan kita barataan sihatan haja.
kawa baibadah, iman batambah.

Ne ulun takana handak ngatik artikel lawan bahasa banjar haja nah, mun pian ngarti alhhamdulillaah,,
mun kada, ulun do'akan mudahan ngarti. 😊
Ulun tulis disini supaya kawa dibaca oleh ganarasi wayahini, labih-labih kawa dibaca anak buyut kainanya nang kamungkinan zamannya labih canggih lagi.

Judul artikelnya "Padahan Orang Tuha Bahari".
didalamnya baisi manganai papadahan nang bagus kita turuti, jangan kada di asi. Orang bahari ne banyak bujurnya. mun dilawan rancak mangatulahani.

Diantara papadahannya diparsilahkan di hayati, di pikirakan, di ingatakan dan jangan kada ingat jua nang panting di amalakan:

1. Sumbahyang jangan ditinggalkan nak lah,
kaena Hidup pian tejumbalit.

2. Jangan Guring jam 6-7-8-9 pagi dibiasakan
Nak Lah, kena razaki dipatuk ayam.

3. Jangan Guring habis ashar jadi Rutinan
stiap hari nak Lah, kena bisa gila atawa lali katuha.

4. Jangan Makan minum sambil berdiri 
apalagi bejalan  nak Lah,
kena bisa kasadakan wan makanan bisa hilang barkahnya.
Nang naran babarkah to, hasil tanaga dari makanan tadi kawa dibawa baibadah.


5. Jangan sampai makanan tebuang-buang,
Nasi kada lingis beuntunglah,
kena bisa kalaparan disaat tuha.

6. Jangan Sampai nasi diandak dibawah pada burit, 
Apalagi Talingkah/DiLingkang lah, Apalagi Nang Malingkah binian nang Lagi Haid.
jangan digawi lah, kena bisa maulah bapanyakitan.

7. Jangan Mambari Makan kekanakan Halus/Manyuapi anak makan SAMBIL MENYARIK-NYARIK lah Atau Besasambat Keburukan Orang Lah, Kasian anak kena pas tuha kada peasian.

8. Wancuh/Kakaut Nasi Jangan Di Hantak lah, Sisa Nasi di wancuh itu Di simpunakan,
jangan wancuh yg hibak lawan biji Nasi di Randam lalu di Buang Ke Poceren lah,

9. Nasi Basi atau Sisa Tulang Lauk makan jangan Sampai Be Hulat didalam rumah lah,

10. Sampah/Baju igat/Bakas kabab anak Jangan diBiarakan bahamburan atawa Di tumpuk Dalam Rumah apalagi Kamar Guring lah.

11. Sarang Binatang Angkut2/gandang Lawa di Sapui/dibarasihi.
 nang kaya di di atas Hatap/Palafon atawa buncu-buncu kamar lah.
Mun dilihatakan bisa mawarisi sifat fakir.

Nomor 8 sampai no 11 to selain BISA MAULAH PENYAKITAN, LAMAH BULUAN, RAJAKI/NI'MAT sulit didapat, Jin kafir/Setan katuju baparak (menghuni rmh kd sing bejauhan), Bayi menangis tarus karna diganggu Makhluk ghaib yg jahat,
Rumah Panasan, Berangutan dua laki bini wan Katuju Ba Hual didalam rumah.

mun hal diatas to suah pian gawi, maka mudahan dengan kita bahati-hati diberi kemampuan oleh Allah swt agar dapat maubah hagan hal nang labih baik kaenanya. 
Mudahan hidup kita tambah berkah satiap hari.. (Bagikan & share kan ke dangsanak wan anak cucu kita supaya bermanfaat)

Amin Amin ya robbal alamin...
Comments
0 Comments

No comments:

Translate

Artikel Terbaru

Kemenag Tingkatkan Kompetensi Guru Bahasa Inggris Madrasah

Sebanyak 50 guru Bahasa Inggris Madrasah Tsnawiyah (MTs) di Provinsi Sulawesi Selatan dan Sulawesi Barat ikuti pelatihan Peningkatan K...

Powered by BeGeEm - Designed Template By HANAPI